Vestfirðir

Ársfundur Stofnunar rannsóknasetra 2019 á Laugarvatni 28. mars nk.

Ársfundur Stofnunar rannsóknasetra verður haldinn í húsnæði Háskóla Íslands á Laugarvatni fimmtudaginn 28. mars nk.  Fundurinn er öllum opinn en gestir eru beðnir að skrá sig. Skráningu lýkur 22. mars. 

Dagskrá

13.30       Setning ársfundar. Lilja Alfreðsdóttir, mennta- og menningarmálaráðherra

13.40       Ávarp. Jón Atli Benediktsson, rektor Háskóla Íslands

13.50       Ávarp. Helgi Kjartansson, oddviti Bláskógabyggðar

14:00       Hvað er rammaáætlun um vernd og orkunýtingu landsvæða? Guðrún Pétursdóttir, formaður verkefnisstjórnar 4. áfanga rammaáætlunar og framkvæmdastjóri Stofnunar Sæmundar fróða

14:20       Þjóðgarðar - óleysanlegar mótsagnir eða hvatning til breyttrar hugsunar? Þorvarður Árnason, forstöðumaður Rannsóknaseturs HÍ á Hornafirði

14:40       Kaffi

15:10       Náttúruvernd og landnotkun. Tómas Grétar Gunnarsson, forstöðumaður Rannsóknaseturs HÍ á Suðurlandi

15:30       Hafa villt dýr réttindi? Spjall um umhverfissögulega rannsókn á sambúð manns og villtra dýra á Íslandi. Unnur Birna Karlsdóttir, forstöðumaður Rannsóknaseturs HÍ á Austurlandi

15:50       Áhrif manna á búsvæði fugla.  Aldís Erna Pálsdóttir, doktorsnemi við Rannsóknasetur HÍ á Suðurlandi

16:10       Fundarslit og samantekt. Halldór Jónsson, sviðsstjóri Vísinda- og nýsköpunarsviðs Háskóla Íslands

Fundarstjóri: Halldór Jónsson, sviðsstjóri Vísinda- og nýsköpunarsviðs Háskóla Íslands

Að fundinum loknum verður boðið upp á léttar veitingar.

Rútuferð verður frá Aðalbyggingu HÍ kl. 11.30 og aftur frá Laugarvatni kl. 17:00 (ef ekki kemur til boðaðs verkfalls rútubílstjóra 28.mars) Boðið verður upp á léttan hádegisverð á Laugarvatni áður en fundurinn hefst.

Skráning á ársfundinn er á vefslóðinni https://goo.gl/forms/rmdZvKpbBCGTsJLm1

 

Sumarstörf við rannsóknasetur Háskóla Íslands

Rannsóknasetur Háskóla Íslands taka þátt í átaki stjórnvalda um sumarstörf fyrir stúdenta. Störfin eru hluti af atvinnuátaki Félagsmálaráðuneytisins, Vinnumálastofnununar og Háskóla Íslands og eru sérstaklega ætluð nemum, 18 ára og eldri, sem eru milli anna í námi (þ.e. eru að koma úr námi og skráðir í nám að hausti).

Ráðningartímabilið eru tveir mánuðir yfir sumartímann og hefst 10. júní.

Umsóknarfrestur er til og með 5. júní 2020. 

 

 

Á vegum rannsóknasetranna eru auglýst 17 sumarstörf. Þau eru við:

Rannsóknasetur Háskóla Íslands á Vestfjörðum

  • Rannsóknarmaður við þróun aðferða við botnmælingar og kortlagningu á grunnsævi. Sjá nánar hér.
  • Rannsóknamaður við fiskimerkingar. Sjá nánar hér.
  • Rannsóknamaður við rannóknir á landnámi flundru á Íslandi. Sjá nánar hér.
  • Aðstoðarmaður við rannsóknir. Sjá nánar hér. 

Rannsóknasetur Háskóla Íslands á Ströndum

  • Aðstoð við rannsókn: Ímynd og sjálfsmynd. Sjá nánar hér.
  • Rannsóknaverkefni: Vestfirska þjóðtrúarfléttan. Sjá nánar hér.
  • Átthagafræði og gamlar ljósmyndir á Hólmavik. Sjá nánar hér.

Rannsóknasetur Háskóla Íslands á Norðurlandi vestra

  • Aðstoðarmaður við rannsóknir í sagnfræði. Sjá nánar hér. 
  • Aðstoðarmaður við rannsóknir í sagnfræði. Sjá nánar hér.

Rannsóknasetur Háskóla Íslands á Húsavík

  • Aðstoðarmaður í rannsóknum á háhyrningum. Sjá nánar hér. 

Rannsóknasetur Háskóla Íslands á Austurlandi

  • Aðstoð við rannsóknir. Sjá nánar hér.

Rannsóknasetur Háskóla Íslands á Hornafirði

  • Aðstoðarmaður við rannsóknir ( 2 störf). Sjá nánar.

Rannsóknasetur Háskóla Íslands á Suðurlandi

  • Aðstoðarmaður við náttúrurannsóknir á Suðurlandi. Sjá nánar hér.

Rannsóknasetur Háskóla Íslands á Snæfellsnesi

  • Aðstoðarmaður í rannsóknum við Breiðafjörð. Sjá nánar hér.
  • Aðstoðarmaður í rannsóknum við Breiðafjörð. Sjá nánar hér. 

Stofnun rannsóknasetra Háskóla Íslands

  • Aðstoð við vefmál. Sjá nánar hér.

Sum starfanna eru auglýst án staðsetningar. Nánari upplýsingar má finna um hvert þeirra á vef Vinnumálastofnunar en slóðir á auglýsingar hvers og eins þeirra er að finna hér að ofan. 

Ársfundur Stofnunar rannsóknasetra Háskóla Íslands 12. maí nk.

Ársfundur Stofnunar rannsóknasetra Háskóla Íslands var haldinn  í Teams fjarfundi þriðjudaginn 12. maí nk. kl. 8.30–10.

Upptöku af fundinum má finna hér.

Dagskrá:

Opnunarávarp. Lilja Alfreðsdóttir, mennta- og menningarmálaráðherra

Ávarp. Jón Atli Benediktsson, rektor Háskóla Íslands

Rannsóknir á örplasti og efnamengun í lífríki sjávar við Ísland  í samhengi við heimsmarkmið SÞ. Halldór Pálmar Halldórsson, forstöðumaður Rannsóknaseturs HÍ á Suðurnesjum

Milliliðalaust samband við fortíðina. Tilfinningar, fátækt og hungur í dagbók frá 19. öld. Eiríkur Valdimarsson, verkefnisstjóri við Rannsóknasetur HÍ á Ströndum – Þjóðfræðistofu

Vísindamaðurinn í samfélaginu: hvaða lærdóm geta háskólar dregið af reynslu rannsóknasetranna? Guðbjörg Ásta Ólafsdóttir, forstöðumaður Rannsóknaseturs HÍ á Vestfjörðum

Samfélagslegt hlutverk háskóla. Guðbjörg Linda Rafnsdóttir, aðstoðarrektor vísinda við Háskóla Íslands

Fundarslit og samantekt. Guðmundur Hálfdanarson, formaður ráðgefandi nefndar Stofnunar rannsóknasetra Háskóla Íslands og forseti Hugvísindasviðs Háskóla Íslands.

Fundarstjóri var Sæunn Stefánsdóttir, forstöðumaður Stofnunar rannsóknasetra Háskóla Íslands. 

 

Samstarf treyst við opnun nýrrar rannsóknaaðstöðu í Bolungarvík

Fjölmenni var við opnun nýrrar rannsóknaaðstöðu Rannsóknaseturs Háskóla Íslands á Vestfjörðum. Við sama tækifæri var undirritaður samstarfsamningur Bolungarvíkurkaupsstaðar og Rannsóknaseturs Háskóla Íslands á Vestfjörðum.

Samstarfssamninginn undirrituðu Jón Páll Hreinsson, bæjarstjóri Bolungarvíkurkaupstaðar, Guðbjörg Ásta Ólafsdóttir, forstöðumaður Rannsóknaseturs Háskóla Íslands á Vestfjörðum, og Sæunn Stefánsdóttir, forstöðumaður Stofnunar rannsóknasetra Háskóla Íslands. Samningurinn hefur það að markmiði að efla þekkingar- og rannsóknastarf í Bolungarvík og á Vestfjörðum og um leið að festa í sessi og efla starfsemi rannsóknasetursins.

Með samningnum er fest í sessi sumarnámskeið fyrir grunnskólabörn og samstarf við efstu bekki grunnskólans þar sem nemendur kynnast vísindalegum aðferðum við sjávarrannsóknir t.d. með því að veiða og rannsaka fiskseiði.

Guðbjörg Ásta Ólafsdótir, forstöðumaður rannsóknasetursins, sagði við þetta tækifæri að ,,með glæsilegri rannsóknaaðstöðu aukast möguleikar okkar á að þróa okkar rannsóknir um leið og samstarfsmöguleikar okkar innan svæðisins og utan aukast mjög.“ Ánægjulegt er að starfsemi rannsóknasetursins hafi eflst mjög undafarna mánuði og starfa nú átta manns við Rannsóknasetur Háskóla Íslands á Vestfjörðum, auk Guðbjargar, Ragnar Edvardsson fornleifafræðingur, þrír doktorsnema, tveir meistaranemar auk starfsnema.  

Framlög frá Bolungarvíkurkaupstað, Uppbyggingasjóði Vestfjarða, Innviðasjóð Rannís og Tækjakaupasjóði Háskóla Íslands hafa gert þá innviðauppbyggingu mögulega sem í dag var fagnað að viðstöddu fjölmenni. Rannsóknasetrið hefur nú alla fyrstu hæð húsnæðisins við Hafnargötu 9b.

Rannsóknasetur Háskóla Íslands á Vestfjörðum var sett á fót árið 2007 og eru þar lögð áhersla á rannsóknir náttúru, mannlífi og atvinnuvegum á svæðinu. Rannsóknasetrið er hluti af Stofnun rannsóknasetra Háskóla Íslands en markmið hennar er að skapa aðstöðu til rannsókna á landsbyggðinni, auka möguleika almennings til menntunar og styrkja tengsl Háskóla Íslands við atvinnu- og þjóðlíf. Stofnunin er jafnframt vettvangur samstarfsverkefna Háskólans við sveitarfélög, stofnanir, fyrirtæki, félagasamtök og einstaklinga á landsbyggðinni.

Myndirnar eru frá opnun nýrrar rannsóknaaðstöðu Rannsóknaseturs Háskóla Íslands á Vestfjörðum og þær tóku Catherine Chambers og Sæunn Stefánsdóttir.

Vísindakaffi í Bolungarvík: Hvaða áhrif hafa umhverfisbreytingar í sjó á ferðir þorskseiða?

Hvaða áhrif hafa umhverfisbreytingar í sjó á ferðir þorskseiða?

Rannsóknarsetur HÍ á Vestfjörðum býður gestum og gangandi upp á vísindakaffi og meðlæti í húsakynnum setursins, laugardaginn 28. september kl. 14:00-16:00 að Hafnargötu 9b í Bolungarvík. Forstöðumaður setursins, dr. Guðbjörg Ásta Ólafsdóttir, ásamt samstarfsfólki, mun taka á móti gestum og kynna það sem er helst á döfinni. Þá verður sagt frá nýjum rannsóknum þar sem þorskseiði eru merkt með hljóðmerkjum til að kanna ferðir þeirra um vestfirska firði og gestum gefst tækifæri til að skoða tilraunir á hegðun og ferðum þorskseiða í rannsóknabúrum. Vísindakaffið er haldið í samstarfi við Vísindavöku Rannís 2019. Allir velkomnir!

 

Hornsílið rannsakað af krökkum á sumarnámskeiði í Bolungarvík

Hressir krakkar hafa gert víðreist í kringum Bolungarvík síðustu daga. Taka þau þátt í sumarnámskeiði á vegum Rannsóknaseturs Háskóla Íslands á Vestfjörðum. Markmiðið með námskeiðinu er að gefa grunnskólanemum innsýn inn í vísindarannsóknir á lífríki sjávar og nýtingu þess.

Á námskeiðinu hafa þátttakendur fengið innsýn og prufað sig áfram með fjölbreyttar rannsóknir. Þau hafa kortlagt búsvæði fiska, gert botnmælingar í sjó, lagt hornsílagildrur og veitt með strandnót svo dæmi séu nefnd. Þátttakendur hafa t.d. rannsakað hornsílið, en hann er einn mesti rannsakaði fiskur í heimi. Krakkarnir hafa veitt og merkt hornsíli og gert tilraun til að meta hvað þeir eru margir. Þá hafa þau skoðað kvarnir (eyrnabein) hornsíla í smásjám til að meta hvað fiskarnir eru gamlir, pælt í vexti þeirra og veiðistofnum. Loks hafa þau gert tilraunir með mismunandi veiðarfærum á rannsóknastofu í því markmiði að kanna hvaða áhrif veiðar geta haft á hinu ýmslu eiginleika fiskistofna. Þá hafa þátttakendur kynnst því hvernig fiskveiðar og aðrar sjávarnytjar þróuðust á Vestfjörðum frá landnámi og að nútíma. Munu þau skoða verstöðvar og hvalveiðistöðvar ásamt því að skoða fiskibein og hvalbein úr fornleifarannsóknum.

Aðspurð segir Guðbjörg Ásta Ólafsdóttir, forstöðumaður Rannsóknaseturs HÍ á Vestfjörðum, að krakkarnir standi sig vel og séu afar áhugasöm um lífríki sjávar. Þau veigri sér ekki við að vaða, veiða og prufa rannsóknatæki vísindamanna setursins hvort sem er innandyra eða utan.

Rannsóknasetur Háskóla Íslands á Vestfjörðum var sett á fót 2007. Rannsóknir setursins eru bæði á sviði fiskilíffræði og fornleifafræði og sérstök áhersla er þar á rannsóknir á haf- og strandsvæðum.

 

Hornsílið rannsakað af krökkum á sumarnámskeiði í Bolungarvík

Hressir krakkar hafa gert víðreist í kringum Bolungarvík síðustu daga. Taka þau þátt í sumarnámskeiði á vegum Rannsóknaseturs Háskóla Íslands á Vestfjörðum. Markmiðið með námskeiðinu er að gefa grunnskólanemum innsýn inn í vísindarannsóknir á lífríki sjávar og nýtingu þess.

Á námskeiðinu hafa þátttakendur fengið innsýn og prufað sig áfram með fjölbreyttar rannsóknir. Þau hafa kortlagt búsvæði fiska, gert botnmælingar í sjó, lagt hornsílagildrur og veitt með strandnót svo dæmi séu nefnd. Þátttakendur hafa t.d. rannsakað hornsílið, en hann er einn mesti rannsakaði fiskur í heimi. Krakkarnir hafa veitt og merkt hornsíli og gert tilraun til að meta hvað þeir eru margir. Þá hafa þau skoðað kvarnir (eyrnabein) hornsíla í smásjám til að meta hvað fiskarnir eru gamlir, pælt í vexti þeirra og veiðistofnum. Loks hafa þau gert tilraunir með mismunandi veiðarfærum á rannsóknastofu í því markmiði að kanna hvaða áhrif veiðar geta haft á hinu ýmslu eiginleika fiskistofna. Þá hafa þátttakendur kynnst því hvernig fiskveiðar og aðrar sjávarnytjar þróuðust á Vestfjörðum frá landnámi og að nútíma. Munu þau skoða verstöðvar og hvalveiðistöðvar ásamt því að skoða fiskibein og hvalbein úr fornleifarannsóknum.

Aðspurð segir Guðbjörg Ásta Ólafsdóttir, forstöðumaður Rannsóknaseturs HÍ á Vestfjörðum, að krakkarnir standi sig vel og séu afar áhugasöm um lífríki sjávar. Þau veigri sér ekki við að vaða, veiða og prufa rannsóknatæki vísindamanna setursins hvort sem er innandyra eða utan.

Rannsóknasetur Háskóla Íslands á Vestfjörðum var sett á fót 2007. Rannsóknir setursins eru bæði á sviði fiskilíffræði og fornleifafræði og sérstök áhersla er þar á rannsóknir á haf- og strandsvæðum.

 

Málþing á Skagaströnd 13. apríl nk: Selir og samfélag við Húnaflóa í fortíð, samtíð og framtíð

Rannsóknasetur Háskóla Íslands á Norðurlandi vestra býður til opins málþings um margslungið samband manna og sela við Húnaflóa í fortíð, samtíð og framtíð. Á málþinginu munu koma saman fræðimenn af ýmsum sviðum sem eiga það sameiginlegt að stunda rannsóknir á Norðurlandi vestra og deila rannsóknum sínum og niðurstöðum og kanna möguleikann á frekara samstarfi í framtíðinni. Málþingið er öllum opið og án endurgjalds. Fyrirlestrar munu fara fram á íslensku og ensku.

Að loknu málþingi verður haldið kvöldverðarboð með þátttakendum á veitingastaðnum Fellsborg á Skagaströnd. Verðið er 5900 kr á mann. Þeir sem vilja vera með í kvöldverðinum þurfa að skrá sig með því að hafa samband við Vilhelm Vilhelmsson, forstöðumann Rannsóknasetursins, fyrir 1. apríl næstkomandi. Hægt er að skrá sig með því að senda tölvupóst í netfangið vilhelmv@hi.is

Dagskrá / Programme

Laugardaginn 13. apríl 2019 / Saturday 13 April 2019

 

13:00-13:05 – Opening remarks by dr. Vilhelm Vilhelmsson, director of the University of Iceland Research Centre in Northwestern Iceland.

13:05-13:30 – Unnur Birna Karlsdóttir, „Umhverfissagnfræði sem aðferð í rannsóknum á sambúð manns og villtra dýra á Íslandi.“

13:30-13:55 - Sandra M. Granquist, „The triangle drama; an ecological perspective of anthropogenic interactions with seal populations in Iceland“.

13:55-14:20 – Vilhelm Vilhelmsson, „Selveiðar við Húnaflóa: Sögulegt yfirlit“.

14:20-14:45 – Helen ßler, „Under water vocalisations of harbour seals in Húnaflói“.

14:45-15:15 – Coffee break

15:15-15:40 – Dagrún Ósk Jónsdóttir, Eiríkur Valdimarsson og Jón Jónsson, „Yfirnáttúrulegar sagnir um seli“.

15:40-16:05 –Jessica Faustini Aquino, Sandra Magdalena Granquist and Georgette Leah Burns, „An Ethical Framework for Seal Watching Management Development“.

16:05-16:30 - Jessica Faustini Aquino, „Neolocalism and Seal Watching Tourism Development“.

16:30-17:00 – Discussion

17:00-18:00 – Closed meeting/discussion for participants

18:00 – Conference dinner

 

 

Jón Jónsson ráðinn verkefnisstjóri við Rannsóknasetur HÍ á Ströndum - Þjóðfræðistofu

Jón Jónsson þjóðfræðingur hefur verið ráðinn verkefnisstjóri Rannsóknaseturs Háskóla Íslands á Ströndum – Þjóðfræðistofu. Starfið var auglýst í júli sl. og bárust þrjár umsóknir. Jón er með meistarapróf í þjóðfræði frá Háskóla Íslands. Áður en hann kom til starfa við rannsóknasetrið starfaði hann sem menningarfulltrúi Vestfjarða í tæpan áratug. Þar áður rak Jón rekið eigið fyrirtæki á sviði miðlunar sögu og þjóðfræða. Jón hefur stundið margvíslegar rannsóknir í þjóðfræði og nýverið gaf Háskólaútgáfan út bók hans Á mörkum mennskunnar. Viðhorf til förufólks í sögnum og samfélagi.

Jón hefur gegnt tímabundnu starfi við rannsóknasetrið síðustu tvö árin eða frá því að setrinu var komið á fót haustið 2016. Sæunn Stefánsdóttir, forstöðumaður Stofnunar rannsóknasetra Háskóla Ísland, segir að með ráðningunni sé starfið orðið ótímabundið og þannig mikilvægt skref tekið til að festa starfsemi Rannsóknaseturs HÍ á Ströndum – Þjóðfræðistofu enn betur í sessi.

Með samningi mennta- og menningarmálaráðuneytisins og Stofnunar rannsóknasetra Háskóla Íslands í ársbyrjun 2016 var sett af stað vinna við að greina tækifæri og leiðir við að koma rannsóknasetrinu á fót, en áður hafði Strandagaldur staðið fyrir rekstri Þjóðfræðistofu á Hólmavík. Á grunni þessarar vinnu varð úr að ráðuneytið fól Stofnun rannsóknasetra Háskóla Íslands að hefja starfsemi rannsóknaseturs í þjóðfræði á Ströndum, í náinni samvinnu við heimamenn. Að hluta til er byggt á þeim góða grunni sem áður hafði verið lagður með starfsemi Þjóðfræðistofu Strandagaldurs. Aðsetur rannsóknasetursins er í Þróunarsetrinu á Hólmavík.

Rannsóknasetur Háskóla Íslands á Ströndum – Þjóðfræðistofa er eitt af níu rannsóknasetrum Háskóla Íslands um landið. Viðfangsefni þeirra eru fjölbreytt, en á meðal þeirra eru lífríki hafsins, umhverfi og landnýting, hvalir, fiskar og fuglar, ferðamál, bókmenntir, sagnfræði, fornleifafræði og þjóðfræði.

Markmið Stofnunar rannsóknasetra Háskóla Íslands er m.a. að stuðla að rannsóknum, menntun og leiðbeiningu framhaldsnema víða um land og vera vettvangur samstarfsverkefna háskólans við nærumhverfi og nærsamfélög setranna. Með þeim hætti leggja rannsóknasetrin sitt af mörkum við að efla tengsl Háskóla Íslands við atvinnu- og þjóðlíf. Stofnun rannsóknasetra Háskóla Íslands býður Jón Jónsson hjartanlega velkominn til starfa.

Auglýst eftir verkefnisstjóra við Rannsóknasetur HÍ á Snæfellsnesi

Stofnun rannsóknasetra Háskóla Íslands auglýsir laust til umsóknar starf verkefnisstjóra við Rannsóknasetur Háskóla Íslands á Snæfellsnesi, sem staðsett er í Stykkishólmi.
 
Rannsóknasetur Háskóla Íslands á Snæfellsnesi sinnir rannsóknum á sjófuglum á Breiðafirði, einkum æðarfugli. Rannsóknasetrið hefur aðsetur í Ráðhúsi Stykkishólms. Verkefnisstjórinn mun hafa umsjón með langtímarannsóknum setursins á fuglastofnum. Í því felst m.a. fjölbreytt gagnaöflun á vettvangi, umsjón gagnagrunna, úrvinnsla og kynning á niðurstöðum í ræðu og riti. Verkefnisstjórinn mun einnig koma að öðrum verkefnum rannsóknasetursins og taka þátt í greinaskrifum og styrkumsóknum. Þá verður verkefnisstjórinn þátttakandi í sérhæfðu rannsóknateymi ásamt forstöðumanni og samstarfsmönnum.
 
Innan Stofnunar rannsóknasetra Háskóla Íslands eru níu sjálfstæð rannsóknasetur víða um land. Markmið stofnunarinnar er m.a. að skapa aðstöðu til rannsókna á landsbyggðinni og vera vettvangur samstarfsverkefna háskólans við sveitarfélög, stofnanir, fyrirtæki, félagasamtök og einstaklinga á landsbyggðinni.
 
Hæfniskröfur:
  • Háskólapróf í líffræði eða vistfræði, meistarapróf er kostur.
  • Reynsla í öflun vistfræðilegra gagna og umsjón gagnasafna.
  • Frumkvæði og sjálfstæði í vinnubrögðum, lipurð í mannlegum samskiptum.
  • Gott vald á ensku og íslensku.
  • Góður grunnur í tölfræði er æskilegur.
  • Reynsla af stofnrannsóknum á fuglum, fuglamerkingum eða annarri rannsóknavinnu utan dyra er æskileg.
  • Reynsla af alþjóðasamstarfi, af þverfræðilegu samstarfi og sókn í rannsóknasjóði er kostur.
Verkefnisstjórinn verður starfsmaður Háskóla Íslands en hefur starfsaðstöðu við Rannsóknasetur Háskóla Íslands á Snæfellsnesi. Búseta á svæðinu er skilyrði. Um fullt starf er að ræða.
 

Umsóknarferli

Umsóknarfrestur er til 27. ágúst 2018.
Æskilegt er að viðkomandi geti hafið störf sem fyrst.
Sótt er um starfið á vefsíðu Háskóla Íslands undir laus störf.
 
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.
 
Laun eru samkvæmt kjarasamningi fjármálaráðherra og Félags háskólakennara.
 
Allar nánari upplýsingar um starfið veitir Jón Einar Jónsson, forstöðumaður Rannsóknaseturs Háskóla Íslands á Snæfellsnesi í síma 8472436 og joneinar@hi.is.
 
Við ráðningu í störf í Háskóla Íslands er tekið mið af jafnréttisáætlun skólans.
 
Vakin er athygli á málstefnu Háskóla Íslands.

Pages

Þú ert að nota: brimir.rhi.hi.is