Kvískerjasjóður auglýsir eftir umsóknum

Kvískerjasjóður auglýsir eftir umsóknum um styrki fyrir árið 2013. Kvískerjasjóður var stofnaður af umhverfisráðuneytinu til heiðurs systkinunum á Kvískerjum í Öræfum fyrir framlag þeirra til öflunar þekkingar og rannsókna á náttúru og sögu Austur-Skaftafellssýslu.

Hlutverk sjóðsins er að stuðla að og styrkja rannsóknir á náttúrufari og menningarminjum í Austur-Skaftafellssýslu með veitingu rannsóknastyrkja til einstaklinga og stofnana. Við úthlutun verður sérstaklega horft til umsókna sem tengjast störfum og áhugasviði Kvískerjasystkina.

Umsóknum skal fylgja:

  • Greinagóð lýsing á verkefninu og markmiðum þess.
  • Tímaáætlun, sem gerir grein fyrir framvindu verkefnisins.
  • Gera skal grein fyrir helstu samstarfsaðilum.
  • Gera skal grein fyrir fjárhagsáætlun verkefnisins, framlagi samstarfsaðila og fjárhæð sem sótt er um.

Umsóknarfrestur er til 15. mars nk. og skal umsóknum skilað á rafrænu formi til formanns sjóðsstjórnar, Sigurlaugar Gissurardóttur, Brunnhóli á Mýrum, 781 Hornafirði á netfangið: sigurlaug@brunnholl.is merktar: Kvískerjasjóður. Úthlutað verður fyrir miðjan apríl og verður öllum umsóknum svarað. Nánari upplýsingar veittar í síma: 478 1029 eða á netfangi: sigurlaug@brunnholl.is.

Þú ert að nota: brimir.rhi.hi.is