Með fróðleik í fararnesti - Á slóðum kræklingsins í Hvalfirði laugardaginn 18. apríl 2015

Kræklingur er herramannsmatur en það þarf að kunna á hann, vita hvenær má tína hann og hvernig á að elda hann. Gísli Már Gíslason, prófessor við Líf- og umhverfisvísindadeild Háskóla Íslands og Halldór Pálmar Halldórsson, forstöðumaður Rannsóknaseturs Háskóla Íslands á Suðurnesjum, fræða þátttakendur og kokka upp veitingar í fjörunni í Hvalfirði. Þátttakendur mæti í stígvélum, með ílát fyrir kræklinginn og gjarnan með hlýja vettlinga og góða gúmmíhanska. Ferðin tekur um 3 klst. Mæting kl. 10 á einkabílum að Öskju, náttúrufræðahúsi Háskóla Íslands. Áður en ekið er af stað í halarófu upp í Hvalfjörð verður hálftíma fræðsla í Öskju. Ferðin er farin í samstarfi við Ferðafélag barnanna.

Þú ert að nota: brimir.rhi.hi.is