Menningararfur í myndum

Eitt af viðfangsefnum Rannsóknaseturs HÍ á Ströndum er greining, rannsóknir og túlkun á ljósmyndum og ljósmyndasöfnum sem tengjast Ströndum. Í því skyni eru tekin til skoðunar heildstæð ljósmyndasöfn í söfnum, myndasöfn einstakra ljósmyndara og myndasöfn í eigu einstaklinga. 

     

Eitt af þeim söfnum og ljósmyndurum sem er til skoðunar er myndasafn Tryggva Samúelssonar sem er varðveitt á Ljósmyndasafni Íslands - Þjóðminjasafni. Greiningarverkefni hafa verið í gangi á vegum Sauðfjárseturs á Ströndum og Ljósmyndasafnsins. Rannsóknasetrið tekur þátt í greiningarverkefninu og hyggst fjalla með fræðilegum hætti um myndasafnið.

Jafnframt hefur verið í undirbúningi viðamikið verkefni tengd ljósmyndum, söfnun þeirra, varðveislu og miðlun, í samvinnu við fjölda aðila í héraðinu og á landsvísu. Það ber titilinn Menningararfur í myndum og er margþætt verkefni sem vonandi fær byr undir báða vængi.

Ljósmynd Tryggva Samúelssonar - farskólabörn í Kollafirði

Rannsóknasetur HÍ á Ströndum og Sauðfjársetur á Ströndum hafa í sameiningu stofnað Facebookhópinn Gamlar Strandamyndir sem nýttur verður til að fá yfirsýn yfir myndir úr héraðinu, miðla þeim og skrásetja og koma þeim í örugga varðveislu.  

Þú ert að nota: brimir.rhi.hi.is