Rannsókna-, samstarfs- og miðlunarverkefni

Unnið er að ýmsum rannsóknar- og miðlunarverkefnum á sviði þjóðfræði á vegum Rannsóknaseturs HÍ á Ströndum - Þjóðfræðistofu.

Íslensk þjóðtrú er þar ofarlega á blaði, bæði miðlun og rannsóknir, og viðamikil verkefni í gangi. Eins er unnið að rannsóknum varðandi hagnýtingu þjóðfræðilegrar þekkingar og tengsl fræða, lista og ferðaþjónustu og ýmis verkefni í gangi á því sviði. Ímynd svæða og sjálfsmynd íbúa í dreifbýli er einnig til skoðunar. Sá menningararfur sem felst í gömlum ljósmyndum er til rannsóknar í viðamiklu verkefni sem heitir Menningararfur í myndum og fyrirhugað er að byggja upp vefkort um þjóðsagnaslóðir og sögustaði á Vestfjörðum. Dagbækur frá 19. og 20 öld eru einnig til skoðunar í viðamiklu rannsóknarverkefni. 

Margvíslegt samstarf við listafólk, fræðimenn og menningarstofnanir á Ströndum og á landsvísu er einnig ofarlega á verkefnalistanum.

Nánar má fræðast um helstu rannsóknasvið og rannsóknir undir flipunum hér til vinstri. 

Þú ert að nota: brimir.rhi.hi.is