Sögur af förufólki

Hjá Rannsóknasetrinu á Ströndum hefur verið unnið að rannsóknarverkefni sem snýst um förufólk fyrri alda á Íslandi. Sjónarhornið er að skoða förumennskuna og gamla sveitasamfélagið í gegnum þjóðsögur og sagnir sem sagðar voru um förufólkið, en þær sýna glögglega viðhorf til þessa hóps. Með þessari aðferð er einnig bent á samfélagslegar reglur og kerfi, skráð og óskráð, í kringum flakk, betl og gestakomur á Íslandi fyrr á öldum.

Útgáfustyrkur að upphæð 400 þús fékkst á árinu 2017 frá Miðstöð íslenskra bókmennta, til að gefa út bók um efnið í ritröðinni Sýnisbók íslenskrar alþýðumenningar. Jón Jónsson verkefnastjóri hjá Rannsóknasetri HÍ á Ströndum vann í framhaldi af því að ritun bókarinnar sem nú er tilbúin og verður gefin út haustið 2018. Titill bókarinnar er: Á mörkum mennskunnar. Viðhorf til förufólks í sögnum og samfélagi

Jón Jónsson hefur áður unnið að rannsóknum á förumennsku og haldið fjölmarga fyrirlestra, birt greinar og skrifað meistaraprófsritgerð um efnið. Einnig gert útvarpsþætti um förufólk með Rósu Þorsteinsdóttur þjóðfræðingi hjá Stofnun Árna Magnússonar sem einnig eru endurfluttir sumarið 2018 á Rás 1 hjá Ríkisútvarpinu, en voru áður á dagskrá árin 2000 og 2003.  

 

Þú ert að nota: brimir.rhi.hi.is