Þjóðtrúarkvöldvaka: Á mörkum lífs og dauða

Laugardagskvöldið 8. september 2018 verður haldin árleg þjóðtrúarkvöldvaka í félagsheimilinu Sævangi við Steingrímsfjörð á Ströndum. Það eru Rannsóknasetur HÍ á Ströndum - Þjóðfræðistofa, Fjölmóður - fróðskaparfélag á Ströndum og Sauðfjársetur á Ströndum sem standa fyrir kvöldvökunni sem að þessu sinni hefur yfirskriftina: Á mörkum lífs og dauðaKvöldvakan hefst kl. 20:00.

Á boðstólum verður kynngimagnað kvöldkaffi og tónlistaratriði til skemmtunar. Það er Skúli Gautason sem sér um tónlistina og verðið á hinu yfirnáttúrulega kaffihlaðborði er kr. 1.800.- á mann. 

Yfirleitt hefur verið rætt um óvenjuleg og stundum dálítið ógnvænleg efni á þessum kvöldvökum og svo verður áfram. Þau sem tala á kvöldvökunni að þessu sinni nálgast dauðann hvert með sínum hætti, en titlar og fyrirlesarar eru:

Er andi í glasinu?Dagrún Ósk Jónsdóttir þjóðfræðingur og doktorsnemi
Ýluskarð og Skæluklöpp: Útburðir í íslenskri þjóðtrúJón Jónsson þjóðfræðingur hjá Rannsóknasetri HÍ á Ströndum 
Bara annarsstaðar: Um ljósmyndir af látnumSigurjón Baldur Hafsteinsson prófessor í safnafræði við HÍ. 

Verið öll hjartanlega velkomin!

 

Þú ert að nota: brimir.rhi.hi.is