Sérfræðingar Stofnunar rannsóknasetra Háskóla Íslands

Forstöðumenn Rannsóknasetra Háskóla Íslands hafa margvísleg sérsvið.

Dr. Filipa Samarra er líffræðingur og stundan einkum rannsóknir á háhyrningum. Hún er akademískur sérfræðingur í starfsemi Stofnunar rannsóknasetra HÍ í Vestmannaeyjum. Hér má sjá slóð á vefsíðu um rannsóknaverkefni hennar. 

Dr. Guðbjörg Ásta Ólafsdóttir er líffræðingur og sinnir einkum rannsóknum í sjávarvistfræði.  Hún er forstöðumaður Rannsóknaseturs HÍ á Vestfjörðum. Hér má nálgast yfirlit um birtingar Guðbjargar á Orcid síðu hennar og vefsíðu hennar.

Dr. Halldór Pálmar Halldórsson er forstöðumaður Rannsóknaseturs HÍ á Suðurnesjum.  Halldór er sjávarlíffræðingur. Helstu verkefni hans tengjast eiturefnavistfræði.  Hér má nálgast yfirlit um birtingar Halldórs á Orcid síðu hans

Dr. Jón Einar Jónsson er dýravistfræðingur og vinnur við rannsóknir á stofnvistræði æðarfugls og dílaskarfs. Jón Einar forstöðumaður Rannsóknaseturs HÍ á Snæfellsnesi. Hér má nálgast yfirlit um birtingar Jóns Einars á Orcid síðu hans

Jón Jónsson er þjóðfræðingur og vinnur við rannsóknir í þjóðfræði, einkum á miðlun og hagnýtingu þjóðfræðilegrar þekkingar. Jón er verkefnisstjóri við Rannsóknasetur HÍ á Ströndum - Þjóðfræðistofu. Hér má nálgast yfirlit um verkefni og birtingar Jóns. 

Dr. Marianne Helene Rasmussen er forstöðumaður Rannsóknaseturs HÍ á Húsavík. Hún er líffræðingur og rannsakar sjávarspendýr, einkum hvali. Hér má nálgast yfirlit um birtingar Marianne.

Dr. Ragnar Edvardsson er fornleifafræðingur og sinnir einkum rannsóknum á sviði sjávar- og strandfornleifafræði með áherslu á fiskveiðar, hvalveiðar og verslun fyrr á öldum. Ragnar er sérfræðingur við Rannsóknasetur HÍ á Vestfjörðum. Yfirlit yfir birtingar Ragnars má finna á vefsíðu hans. 

Dr. Soffía Auður Birgisdóttir er fræðimaður við Rannsóknasetur HÍ á Hornafirði. Soffía Auður er bókmenntafræðingur og sinnir rannsóknum á sviði íslensrka nútímabókmennta og kynjafræða. Yfirlit yfir birtingar Soffíu Auðar má finna á Orcid síðu hennar. 

Dr. Tómas Grétar Gunnarsson er vistfræðingur og sinnir einkum rannsóknum á stofnvistfræði. Tómas er forstöðumaður Rannsóknaseturs HÍ á Suðurlandi. Hér má nálgast yfirlit um birtingar Tómasar á Orcid síðu hans.

Dr. Unnur Birna Karlsdóttir er sagnfræðingur og sinnum einkum rannsóknum á sviði umhverfissögu þar sem tengsl manns og náttúru eru viðfangsefnið. Unnur Birna er forstöðumaður Rannsóknaseturs HÍ á Austurlandi. Á vefsíðu Unnar Birnu má nálgast yfirlit yfir verkefni og rannsóknir hennar. 

Dr. Vilhelm Vilhelmsson er forstöðumaður Rannsóknaseturs HÍ á Norðurlandi vestra. VIlhelm er sagnfræðingur og sinnir einkum rannsóknum á félagssögu, verkalýðssögu og sögu alþýðunnar, þó að rannsóknasvið hans sé víðara. Hér má sjá yfirlit um birtingar Vilhelms á Orcid síðu hans.

Dr. Þorvarður Árnason er forstöðumaður Rannsóknaseturs HÍ á Hornafirði. Þorvarður er náttúru- og umhverfisfræðingur. Hér má nálgast yfirlit um birtingar Þorvarðar á Orcid síðu hans. 

 

 

Forstöðumenn rannsóknasetra HÍ ásamt forstöðumanni Stofnunar rannsóknasetra HÍ, Sæunni Stefánsdóttur, Birnu Gunnarsdóttur, og rektor Háskóla Íslands, Jóni Atla Benediktssyni

Neðri röð frá vinstri: Marinne Rasmussen, Sæunn Stefánsdóttir, Unnur Birna Karlsdóttir, Lára Magnúsardóttir, Jón Atli Bendiktsson. Efri röð frá hægri: Birna Gunnarsdóttir, Þorvarður Árnason, Tómas G. Gunnarsson, Jón Einar Jónsson og Halldór Pálmar Halldórsson.

Myndin var tekin á ársfundi Stofnunar rannsóknasetra HÍ sem haldinn var í Stykkishólmi vorið 2016.

Þú ert að nota: brimir.rhi.hi.is